نكات عراقية جدا

مرة خطيب شرب شريط كبسول وراح للخطبة ورة الخطبة راحو جماتعة للبيت كالولة انت اليوم شكد كذبت كالهم ليش كالو كلت معركة بدر صارت قصف طيارات مشيناها كلت صلاح الدين الايوبي ضرب القدس كيمياوي مشيناها بس مال ابو جهل باع بلال الحبشي بخمس ملايين لبرشلونة هاي وين لاكيها

فد يوم صدام حسين انهزم من السجن دخل على جلسة البرلمان فكل الاعضاء انهزموا ما عدا محمد بحر العلوم ما كّدر ينهزم لأن جلبت العباية مالته بالبرغي مال الكرسي فاقترب منه صدام وكّاله: عجل يابا انته بحر العلوم؟ جاوبة:لا سيدي اني نهر القائد

مصلاوي ديحجي وية خطيبته، كالتله :خلص رصيدي دك عليه! كاللهاا:إحنا وصلنا طريق مسدود ولازم نفترق

كردى ضيع سويج سيارته جماعته فتحوا السيارة بشيش مال تكه اخذ الشيش وسوه عليه نسخة

سألوا واحد: شلونك ويه رمضان هالسنه؟ گال: والله لوما الوضوء چان متنه من العطش

سالوا مام جلال كلولة اخر مكرمة للطلاب العراقيين ؟؟؟ كللهم راح اوزع النتائج قبل الامتحانات

فد يوم واحد طب لمنتدى شيعي كلهم اني اسمي عمر بس يدلعوني علاوي

محشش وكف يمه سوداني بالصلاه.الشيخ كال استووا واستقيموا .المحشش كال اني استويت بس اليمي احترك

واحد مصلاوي راح للناصريه كاموا يشكون فلوس كدامه

فيترچي كاتب قطعه (تفصيخ سيارات)، بالليل إجه واحد ناصريه بدل الصاد خاء وانهزم

طلي مغمّض ويصيح. ماع.. ماع.. گالوله ليش تغمض؟ گال حافظهه عالغيب

محشش يصبغ السقف بالبويه گالت له أمه:يمه خلي جريده جوه رجليك.. گال لا ماما ميحتاج... أنوش .

محشش طلّع الصوبه ليبرّه البيت.. گالوله ليش؟؟ قال :مو برّه أبرد

طرق النساء في تنويم اطفالهن.. المصريه : نام يا حبيبي نام . السوريه : نام يبعتلك حمى . اللبنانيه : نام تقبرني .. الاوربيه : سويت دريمز بيبي. العراقيه : عووووو اجا حرامي ياخذك انطمر الله يشيلك انت وابوك

كردي اكل قطعة ماجي اتخربط راح للطبيب كله :شماكل ؟كله جكليت ام الديج

مرة واحد كل ما ينام يحلم كتاكيت تلعب طوبة بكل مرة يحلم نفس الحلم راح للدكتور كالة الدكتور لا تنام يوم او يومين رد عليه كلة : ما انام اشلون باجر النهائي؟

اكو واحد محشش لازم ثلجاية كال اموت واعرف هاي من يا زرف دتنـكط

كردي مات أبوه گال للدفان: بيش أرخص گبر؟؟ گلله: بالميت تسعين ألف.. گلله : زين وإذا الميت من عدنه؟

صرصر سأل صاحبه: شلونك هالأيام خو ماكو نعل؟... گله: لا الحمد لله أبو البيت أحول

مصلاوي مات... لگوا بوصيته مكتوب ( آني غاسل... لا تغسّلوني)

واحد يشتغل بالمعارض مال البياع، إجاه مولود گال للممرضه: الله عليچ لاتغسليه، خللي بترابه